რუსებმა ფინეთს „საპასუხო ზომებით“ დაემუქრნენ, თუ ქვეყანა ნატოში გაწევრიანდებოდა.
ფინურმა მედიამ შეიტყო რუსეთის მიერ ქვეყნის ნატოში გაწევრიანების გამო დაგეგმილი „შურისძიების“ შესახებ.
ამის შესახებ გაზეთი „ილტალეჰტი“ წერს.
გამოცემის ცნობით, მოსკოვმა შესაძლოა ქვეყნისთვის გაზის მიწოდება პარასკევიდანვე შეწყვიტოს და ძირითადი პოლიტიკოსები უკვე გააფრთხილეს რუსეთის „საპასუხო ზომების“ შესახებ.
ფინეთის მთავრობას ამ საკითხზე ოფიციალური კომენტარი ჯერ არ გაუკეთებია. თუ ბუნებრივი აირის მიწოდება შეწყდება, ეს სერიოზულ პრობლემებს შეუქმნის ზოგიერთ ინდუსტრიას და კვების პროდუქტების წარმოებას, განმარტავს მედია.
ფინეთის ხელისუფლებამ განაცხადა, რომ რუსეთმა შესაძლოა საწვავის მიწოდება 23 მაისს შეწყვიტოს, რადგან ეს იქნება გაზის შემდეგი გადასახადების გადახდის დრო.
ფინეთი იმ ქვეყნებს შორის იყო, რომლებმაც უარი თქვეს რუსებისთვის გაზის საფასურში რუბლით გადახდაზე.
როგორც UNIAN იტყობინება, ფინეთის პრეზიდენტმა საული ნიინისტომ და პრემიერ-მინისტრმა სანა მარინმა მხარი დაუჭირეს ქვეყნის ჩრდილო-ატლანტიკური ხელშეკრულების ორგანიზაციაში გაწევრიანებას — განაცხადი „რაც შეიძლება მალე“ უნდა წარედგინოს.
11 მაისს, ბრიტანეთის პრემიერ-მინისტრმა ბორის ჯონსონმა შვედეთისა და ფინეთის ლიდერებთან ორმხრივი უსაფრთხოების გარანტიებს მოაწერა ხელი ორივე სკანდინავიურ ქვეყანაში ვიზიტის შემდეგ.
გარდა ამისა, შვედეთის მმართველი სოციალ-დემოკრატიული პარტიის ხელმძღვანელობა ალიანსში გაწევრიანებასთან დაკავშირებით თავის პოზიციას 15 მაისს გამოაცხადებს. მედიის ცნობით, ქვეყანა ნატოში გაწევრიანების განაცხადს მომავალ კვირას წარადგენს.
