ოკუპირებულ ხერსონში რუსმა სამხედრო მოსამსახურეებმა გაიტაცეს ხერსონის სახელმწიფო უნივერსიტეტის პრორექტორი მაქსიმ ვინიკი, ხოლო კოლაბორატორებმა რექტორის კაბინეტის კარებიც შეამტვრიეს.
უნივერსიტეტის წყაროს ცნობით, კოლაბორაციონისტები ტატიანა ტომილინა და ტატიანა კუზმიჩი, ორ შეიარაღებულ რუს სამხედრო მოსამსახურესთან ერთად, ხერსონის სახელმწიფო უნივერსიტეტში შევიდნენ. მათ რექტორის კაბინეტის კარი შეამტვრიეს.
გამოცემას აქვს ინფორმაცია, რომ უნივერსიტეტის რექტორად ტომილინას „დანიშვნა“ სურთ.
ამის შემდეგ, თვითმხილველების თქმით, ტომილინამ შეიარაღებულ პირებს ხერსონის სახელმწიფო უნივერსიტეტის პრორექტორის, მაქსიმ ვინიკის შეპყრობის ბრძანება მისცა.
ის უნივერსიტეტის საერთო საცხოვრებელთან ახლოს შეიპყრეს და გაურკვეველი მიმართულებით წაიყვანეს.
ვინიკის კოლეგებმა MOST-ს მისი დაკავება დაუდასტურეს და დასძინეს, რომ მას შეზღუდული შესაძლებლობები აქვს და მუდმივ სამედიცინო მომსახურებას საჭიროებს.
