ლვოვის კლუბის ულტრასების Facebook გვერდის ცნობით, „კარპატის“ გულშემატკივართა მოძრაობის ერთ-ერთი ლიდერი, ბოგდან კრილი, მარიუპოლში, აზოვსტალისთვის ბრძოლის დროს დაიღუპა. კრილი, რომელიც საფეხბურთო საზოგადოებაში ბოდია პირატის სახელით არის ცნობილი, ლვოვის ივან ფრანკოს სახელობის ეროვნული უნივერსიტეტის ფილოსოფიის ფაკულტეტზე სწავლობდა.
ადრე გავრცელდა ინფორმაცია, რომ კიევის ჩემპიონი კრივში არტემ მოშა 8 მაისს აზოვსტალისთვის ბრძოლაში დაიღუპა.
27 მარტს, დონეცკის რეგიონში, ავდეევკასთან ბრძოლაში მიღებული ჭრილობებისგან ყოფილი მოყვარული და ვეტერანი ფეხბურთელი ვლადიმერ კოლესნიკი გარდაიცვალა.
მანამდე, სკვირაში გაცილების ცერემონია გაიმართა ATO-ს ვეტერანის, უკრაინის სპორტის ოსტატისა და ATO-ირპინის გუნდის ფეხბურთელის, იგორ სუხიხის. უკრაინის სპორტის საერთაშორისო კლასის ოსტატი სამხედრო სპორტულ მრავალჭიდსა და ხელჩართულ ბრძოლაში, უკრაინის, ევროპისა და მსოფლიო ჩემპიონატების ჩემპიონი და მედალოსანი, რომელიც ირპინისთვის ბრძოლაში დაიღუპა
მარიუპოლის დაცვას ასევე შეეწირა ცნობილი უკრაინელი კიკბოქსიორი მაქსიმ კაგალი. 30 წლის სპორტსმენი, მეტსახელად „პისტონი“, ქალაქს აზოვის სპეციალური დანიშნულების რაზმის შემადგენლობაში იცავდა.
11 მაისს, უკრაინის პრეზიდენტმა ვოლოდიმირ ზელენსკიმ სიკვდილის შემდეგ მედალი გადასცა ცნობილ უკრაინელ კიკბოქსიორ ევგენ გარდას. 29 წლის, მელიტოპოლის რაიონის სოფელ მირნეს მკვიდრი, 12 აპრილს, ჰულიაიპოლესთან (ზაპოროჟიეს ოლქი) რუსი ოკუპანტების წინააღმდეგ ბრძოლებში დაიღუპა.
