თურქეთმა განაცხადა, რომ მას უკრაინასთან სტრატეგიული ურთიერთობები აქვს და რუსეთს არასდროს არაფერს გადასცემს.
როგორც ამბობენ, პრეზიდენტმა რეჯეფ თაიფ ერდოღანმა თურქეთის პარტიის უმაღლესი თანამდებობის პირების შეხვედრაზე კოლეგებს განუცხადა, რომ რუსეთის ლიდერმა ვლადიმერ პუტინმა თეირანში გამართულ შეხვედრაზე სამხედრო შეთანხმების გაფორმება შესთავაზა. კერძოდ, მას რუსეთში ბაირაქტარის დრონების წარმოების ობიექტის შექმნა სურდა.
ამის შესახებ CNN Turk-ის წყაროებმა განაცხადეს.
პუტინის თქმით, არაბთა გაერთიანებულ საემიროებში უკვე არსებობს ასეთი ქარხანა და ახლა Baykar-მა შესაძლოა კიდევ ერთი გახსნას, ამჯერად რუსეთში. მიუხედავად იმისა, რომ კომპანიის წარმომადგენელი ამას უარყოფს, კარგად ინფორმირებული წყაროს თქმით, Baykar მართლაც მუშაობს არაბთა გაერთიანებულ საემიროებში წარმოების ხაზის შექმნის პროცესში.
ამავდროულად, Baykar-ის აღმასრულებელმა დირექტორმა, ჰალუკ ბაირაქტარმა, განაცხადა, რომ პუტინს თავის დრონებს არ მიჰყიდის.
„თურქეთსა და უკრაინას სტრატეგიული ურთიერთობები აკავშირებთ, განსაკუთრებით ავიაციასა და კოსმოსში. თურქეთი უკრაინას შეიარაღებული დრონების ტექნოლოგიით უჭერს მხარს. ჩვენ რუსეთს არაფერი გადაგვიცია და არ მიგვიწოდებია. ჩვენ ამას არასდროს გავაკეთებდით“, - ხაზგასმით აღნიშნა მან.
შეგახსენებთ, რომ მინისტრთა კაბინეტმა ადრე დაამტკიცა დოკუმენტი, რომელიც უკრაინაში „ბაირაქტარი“-ს წარმოებას აფართოებს.
