მინსკში პუტინსა და ლუკაშენკოს შორის გაფართოებული მოლაპარაკებები დასრულდა, იტყობინება „რია ნოვოსტი“.
დისკუსია ორსაათ-ნახევარზე მეტხანს გაგრძელდა. მისი თემა მოსკოვსა და მინსკს შორის ურთიერთობების განვითარება იყო.
„ხაზგასმით უნდა აღინიშნოს, რომ ბელარუსი არა მხოლოდ ჩვენი კარგი მეზობელია, რომელთანაც ჩვენ ვთანამშრომლობდით ერთმანეთის ინტერესების გათვალისწინებით წინა ათწლეულების განმავლობაში, არამედ, რა თქმა უნდა, ბელარუსი ასევე ჩვენი მოკავშირეა ამ სიტყვის სრული გაგებით.“.
„ამიტომ, ჩვენ ვეცადეთ ყველა სხვა საკითხი, მათ შორის ეკონომიკური სფეროს საკითხები, ამ მონაცემებზე დაყრდნობით გადაგვეწყვიტა“, - განაცხადა პუტინმა.
„მოსკოვსა და მინსკს შორის კავშირების განმტკიცება ბუნებრივი რეაქცია გახდა ცვალებად გლობალურ სიტუაციაზე, რომელშიც ჩვენი მდგრადობა მუდმივად გამოცდის წინაშე იდგა და კვლავაც გამოცდის წინაშე დგას. მე მჯერა, რომ გარკვეული უხერხულობების მიუხედავად, ჩვენ კვლავ ვპოულობთ ეფექტურ პასუხებს სხვადასხვა გამოწვევასა და საფრთხეზე“, - განაცხადა ლუკაშენკომ შეხვედრის შემდეგ.
ეს მათი პირველი შეხვედრაა ბელარუსის ტერიტორიაზე 2019 წლის შემდეგ, როდესაც ლუკაშენკო პუტინს ესტუმრა. მხოლოდ 2022 წელს ის შვიდჯერ იმყოფებოდა რუსეთს.
დღეს, რუსეთის პრეზიდენტის პრესმდივანმა დიმიტრი პესკოვმა განაცხადა, რომ პუტინს არ აქვს განზრახვა, აიძულოს ბელარუსი უკრაინის წინააღმდეგ ომში მონაწილეობა მიიღოს და რომ ხელისუფლებას შეუძლია ასეთი გადაწყვეტილებების მიღება ნებაყოფლობით. პესკოვმა „სულელური და უსაფუძვლო“ უწოდა ინფორმაციას იმის შესახებ, რომ პუტინი მინსკში მიემგზავრება, რათა ბელარუსი „სპეცოპერაციაში“ მონაწილეობის მისაღებად აიძულოს.
