უკრაინის საზღვაო ძალებისთვის განკუთვნილი პირველი ადას კლასის კორვეტი თურქეთში გაუშვეს.
ამის შესახებ უკრაინის საზღვაო ძალებმა განაცხადეს.
„დღეს, 2 ოქტომბერს, სტამბოლის საზღვაო გემთსაშენ ქარხანაში გაიმართა პირველი კორვეტის, Ada MILGEM-ის, გაშვების ცერემონია, რომელიც უკრაინის საზღვაო ძალების შეკვეთით შენდება“, - ნათქვამია განცხადებაში.
აღნიშნულია, რომ უკრაინის საზღვაო ძალების მეთაურმა, ვიცე-ადმირალმა ალექსეი ნეიჟპაპამ, მონაწილეობა მიიღო „ჰეტმან ივან მაზეპას“ სახელობის სამხედრო ხომალდის გაშვების ცერემონიაში.
მან განაცხადა, რომ გემის გაშვება გადამწყვეტი მოვლენაა, რაც აჩვენებს, რომ დამოუკიდებლობისა და ტერიტორიული მთლიანობისთვის ომის კონტექსტში, თურქეთის რესპუბლიკა უკრაინის მეგობარია.
როგორც UNIAN იტყობინება, უკრაინის საზღვაო ძალებისთვის განკუთვნილი კორვეტის კლასის გემის კილი თურქეთში 2021 წლის სექტემბერში დაიდო.
კორვეტი სტამბოლის გემთსაშენ ქარხანაში ჩასვეს უკრაინის თავდაცვის სამინისტროს დელეგაციის მონაწილეობით, რომელსაც უკრაინის საზღვაო ძალების მთავარსარდალი ხელმძღვანელობდა.
ადა კლასის კორვეტის მშენებლობა 2021 წლის 28 აპრილიდან მიმდინარეობს, თუმცა თურქული ტრადიციის თანახმად, კილის დაგების ცერემონია მხოლოდ ზოგიერთი მონაკვეთისა და კორპუსის აგების შემდეგ იმართება.
