ნიღბები კულტურულ ატრიბუტად იქცევა და რუსები მათზე უარს არასდროს იტყვიან, განაცხადა სახელმწიფო დუმის დეპუტატმა, რუსეთის მეცნიერებათა აკადემიის აკადემიკოსმა და „როსპოტრებნადზორის“ ყოფილმა ხელმძღვანელმა გენადი ონიშჩენკომ. მისი სიტყვები „რია ნოვოსტის“ მიერ იყო გამოქვეყნებული.
„ყოველ გაზაფხულსა და შემოდგომაზე გრიპი გვემართება — თქვენც უარს იტყვით მასზე? ეს ჩვენი კულტურის ნაწილი უნდა იყოს, მაშ, რა არის ამაში ცუდი?“ - შენიშნა მან.
ონიშჩენკომ ასევე დასძინა, რომ მოსკოვში კორონავირუსის გავრცელება ნაკლებად ინტენსიური იქნებოდა, მეტრო რომ არ ყოფილიყო. „თუ მეტროში ნიღბებს გავიკეთებთ, ამ ნეგატიურ ფაქტორს შევამცირებთ“, - დაასკვნა დეპუტატმა.
ონიშჩენკომ ადრე განმარტა, რომ ძირითადი რისკ-ჯგუფების ვაქცინაცია ხელს შეუწყობს COVID-19 პანდემიის შეჩერებას. ეპიდემიის დასასრულებლად მსოფლიოს მოსახლეობის 70 პროცენტის ვაქცინაცია აუცილებელი არ არის. დეპუტატის თქმით, კოლექტიური იმუნიტეტი მალე არ იქნება მიღწეული.
