რუსმა ოკუპანტებმა ქალაქიდან გამოსულ ადამიანებს ცეცხლი გაუხსნეს. არიან დაღუპულები და დაჭრილები, - ამის შესახებ ჩერნიგოვის ოლქის კორიუკოვსკის რაიონის მენას მერი, გენადი პრიმაკოვი, Facebook-ზე იტყობინება.
„დღეს ახალგაზრდა ქალი დაიღუპა. ის და სხვები ჩერნიგოვის ქალაქიდან კულიკოვკას მიმართულებით გადიოდნენ. რუსულმა ტანკებმა მშვიდობიანი მოსახლეობის კოლონას ცეცხლი გაუხსნეს. ასევე არიან დაშავებულები კორიუკოვკადან და სნოვსკიდან, ჩვენი ოთხი თანამშრომელი კი სიცოცხლისთვის საშიში ჭრილობებით საავადმყოფოშია გადაყვანილი“, - წერს პრიმაკოვი.
ჩერნიგოვის ოლქის სახელმწიფო ადმინისტრაციის ხელმძღვანელმა, ვიაჩესლავ ჩაუსმა სუსპილნის სროლის შესახებ ინფორმაცია დაუდასტურა.
კორიუკოვკას მერმა რატან ახმედოვმა განმარტა, რომ გარდაცვლილი ახალგაზრდა მამაკაცი კორიუკოვკაში დედასთან ერთად მიემგზავრებოდა, წერს გამოცემა.
როგორც ნოვგოროდ-სევერსკის მერმა ლუდმილა ტკაჩენკომ განუცხადა სუსპილნის, 19 წლის ბიჭი მათი თემიდან გარდაიცვალა.
გამოცემის ცნობით, დაჭრილები კულიკოვოს საავადმყოფოში გადაიყვანეს.
რეგიონული პროკურატურის უფროსმა, სერგეი ვასილინამ, პირობა დადო, რომ ხვალ დილით ყველა დეტალს მოგვაწვდიდა.
