50 წლის ოჯახის უფროსი ცოლის, შვილისა და მეგობრის თვალწინ გარდაიცვალა.
ოდესის ოლქში, სანაპიროზე დასვენებისას, მამაკაცი ნაღმზე აფეთქების შედეგად დაიღუპა. ტრაგედიის დეტალები იძიება. ამის შესახებ Telegram-ზე ოდესის სამხედრო ადმინისტრაციის წარმომადგენელმა სერგეი ბრატჩუკმა განაცხადა.
„ოდესის ოლქში, პლაჟზე დასვენებისას, მამაკაცი ნაღმზე ფეხის დადგომის შემდეგ გარდაიცვალა. წყალთან ახლოს ან ზღვაში არ ჩახვიდეთ! ის დანაღმულია! ტრაგედიის დეტალების დადგენა მიმდინარეობს“, - აღნიშნა ბრატჩუკმა.
აღსანიშნავია, რომ პოლიცია ოდესის ოლქის მაცხოვრებლებსა და სტუმრებს მოუწოდებს, მკაცრად დაიცვან საომარი მდგომარეობის წესები.
„პოლიციის თანამშრომლები მოუწოდებენ ოდესის ოლქის მაცხოვრებლებსა და სტუმრებს, მკაცრად დაიცვან საომარი მდგომარეობის წესები: მოერიდონ შავი ზღვის სანაპირო დაცვის ზონას და მოერიდონ დანაღმულ ზღვაში ცურვას. დღეს დონბასელი ოჯახის მიერ უსაფრთხოების წესების უგულებელყოფამ ტრაგიკული შედეგები გამოიწვია. ოდესის ოლქის ერთ-ერთ სოფელში ზღვაში ცურვისას, უცნობი ობიექტიდან აფეთქების შედეგად, ოჯახის 50 წლის უფროსი მეუღლის, შვილისა და მეგობრის თვალწინ დაიღუპა. ეს უკანასკნელი სასწაულებრივად უვნებელი გადარჩა, რადგან ის მსხვერპლთან ერთად ცურავდა“, - ნათქვამია განცხადებაში.
