კერძო კლინიკებში ასეთი პაციენტების რაოდენობა 20-40%-ით გაიზარდა.
РБК-ის ცნობით, 2023 წელს მოსკოვის კერძო კლინიკებში ალკოჰოლზე დამოკიდებულების მქონე პაციენტების რაოდენობის ზრდა დაფიქსირდა.
დოქტორ ისაევის კლინიკაში ამ დიაგნოზით ვიზიტების რაოდენობა წინა წელთან შედარებით 44%-ით გაიზარდა, მარშაკის კლინიკაში - 27%-ით, ხოლო ProMed კლინიკაში - 15.5%-ით.
„კრიზისების ყველა პერიოდში ალკოჰოლის მოხმარება ყოველთვის იზრდებოდა: ადამიანები ეძებენ რაიმე სახის შვებას, ნუგეშს, თავის დაღწევას. ეს გლობალური ტენდენციაა და რუსეთი გამონაკლისი არ არის“, - აღნიშნა რუსლან ისაევმა, დოქტორ ისაევის კლინიკის დირექტორმა.
„ალკოჰოლზე დამოკიდებულების შემთხვევების რაოდენობა ყოველწლიურად საშუალოდ 15%-ით იზრდება“, აღნიშნა „პრომედის“ კლინიკის აღმასრულებელმა დირექტორმა მარია კულინსკაიამ. „ალკოჰოლი მიმდინარე გლობალურ ვითარებაში რეალობისგან თავის დაღწევის, მომავლის შესახებ შიშისა და გაურკვევლობის დაძლევის საშუალებად იქცევა“, - დასძინა მან.
