მოსკოვში, სამხედრო გაწვევის შტაბის შენობაში ხანძარი გაჩნდა, იტყობინება TASS საგანგებო სამსახურებზე დაყრდნობით.
ხანძარი კოლოდეზნის შესახვევის 14 ნომერში მდებარე ექვსსართულიან შენობაში გაჩნდა. იქვე მდებარეობს პრეობრაჟენსკის რაიონის გაერთიანებული სამხედრო კომისრის ოფისი. შენობაში ასევე განთავსებულია ოფისები, კაფე და სპა-ცენტრი.
„ტასის“ ცნობით, ხანძარი მეექვსე სართულზეა ლოკალიზებული. შენობის პირველ სართულზე სამხედრო რეგისტრაციისა და გაწვევის ოფისია განთავსებული. სააგენტოს ცნობით, შენობაში თხუთმეტი სახანძრო ჯგუფი იყო მობილიზებული.
მოგვიანებით, საგანგებო სიტუაციების სამინისტროს მოსკოვის შტაბ-ბინის პრესსამსახურმა „ინტერფაქსს“ განუცხადა, რომ ხანძარი 50 კვადრატული მეტრის ფართობზე ჩააქრეს. დაშავებულების შესახებ ინფორმაცია არ დაკონკრეტებულა.
წაიკითხეთ წყარო
