დღეს, Mercedes-Benz Fashion Week Russia-ს მიერ ჩვენებების სრული გაუქმების შესახებ განცხადებისთანავე, მოსკოვის მოდის კვირეულის საორგანიზაციო კომიტეტმა, Gostiny Dvor-ის მენეჯმენტთან ერთად, მსგავსი გადაწყვეტილება მიიღო. ღონისძიება, რომელიც 2020 წლის 24-29 მარტს უნდა გამართულიყო, გაუქმდა.
მოსკოვის მოდის კვირეულის მენეჯმენტი: ეს რთული გადაწყვეტილება იყო
„ეს რთული გადაწყვეტილება იყო, იმის გათვალისწინებით, თუ რა მასშტაბური სამუშაო გაწიეს პროექტში მონაწილე ყველა პირმა: ორგანიზატორებმა, დიზაინერებმა და პარტნიორებმა. მონაწილე დიზაინერების ყველა ჩვენება გადაიდება 2020 წლის ოქტომბრისთვის, მომავალ გრაფიკში პრიორიტეტული განთავსების შესაძლებლობით“, - განაცხადა MFW-ის პრესსამსახურმა.
„დღეს მთელი მსოფლიო ძალიან რთულ პერიოდს განიცდის, რომელიც განსაკუთრებულ სიფრთხილესა და ყურადღებას მოითხოვს COVID-19 კორონავირუსის გავრცელებასთან დაკავშირებული არსებული ვითარების მიმართ. ამ რთულ დროს ჩვენ ვიცავთ მოსკოვისა და რუსეთის ფედერაციის მთავრობის რეკომენდაციებსა და მითითებებს. ჩვენთვის ჩვენი მოქალაქეებისა და ბავშვების სიცოცხლე და ჯანმრთელობა უმნიშვნელოვანესია“, - განაცხადეს მოსკოვის მოდის კვირეულის ორგანიზატორებმა.
