მოლდოვას პრეზიდენტმა ხელი მოაწერა ევროკავშირში გაწევრიანების განაცხადს. განაცხადი საფრანგეთის პრეზიდენტ ემანუელ მაკრონის სახელზე იყო გაგზავნილი.
ამის შესახებ RBC-Ukraine-მ სანდუს 3 მარტს გამართულ ბრიფინგზე დაყრდნობით განაცხადა.
მოლდოვას პრეზიდენტის, მაია სანდუს თქმით, ევროკავშირში გაწევრიანების განაცხადი ბრიუსელში რამდენიმე დღეში წარედგინება.
„ჩვენ ვისწავლეთ ჩვენი გაკვეთილები და ვიღებთ პასუხისმგებლობას ჩვენს მომავალზე. ძვირფასო მოქალაქეებო, მიუხედავად იმისა, რომ ზოგიერთი გადაწყვეტილება დროს მოითხოვს, სხვები სწრაფად და გადამწყვეტად უნდა იქნას მიღებული. ჩვენ სასწრაფოდ უნდა ვიმოქმედოთ, როდესაც ამას გარემოებები მოითხოვს.“.
დღეს ჩვენ ვაწერთ ხელს მოლდოვას ევროკავშირში გაწევრიანების განაცხადს. ის მიმართულია საფრანგეთის პრეზიდენტ ემანუელ მაკრონისადმი, სახელმწიფოს მეთაურისადმი, რომელიც ამჟამად ევროკავშირის საბჭოს თავმჯდომარეა.
„მოლდოვას უნდა ჰქონდეს მკაფიო ევროპული გზა. ჩვენ ვიცით, რა ნაბიჯებია გადასადგმელი და მზად ვართ, ვიმოქმედოთ. ეტაპობრივად, ჩვენ დავასრულებთ ყველა ეტაპს, რათა მოლდოვას მოქალაქეებისთვის მშვიდობიანი და აყვავებული მომავალი ავაშენოთ“, - განაცხადა სანდუმ.
