ეროვნული ჯანდაცვის სამსახურის პუბლიკაციის თანახმად, სურეის უნივერსიტეტის მეცნიერებმა შეიმუშავეს ტვინის სტიმულაციისა და კოგნიტური ტრენინგის პროგრამა ყურადღების დეფიციტისა და ჰიპერაქტიურობის სინდრომის (ADHD) მქონე ადამიანებისთვის.
ექსპერტებმა დაადგინეს, რომ არაინვაზიური ტვინის სტიმულაცია და კოგნიტური ტრენინგი აუმჯობესებს ყურადღების დეფიციტისა და ჰიპერაქტიურობის სინდრომის მქონე ადამიანების მდგომარეობას. ექსპერიმენტი ჩატარდა 6-დან 12 წლამდე ასაკის 23 ბავშვზე, რომლებიც მედიკამენტებს არ იღებდნენ.
ექსპერიმენტის ფარგლებში, ბავშვებმა სინდრომის ორკვირიანი მკურნალობის პროგრამა გაიარეს. ნახევარზე მეტმა გაუმჯობესება აჩვენა. გაუმჯობესება მკურნალობის დასრულებიდან სამი კვირის განმავლობაში გაგრძელდა.
კვლევის ხელმძღვანელმა, პროფესორმა როი კოენ კადოშმა აღნიშნა, რომ მისმა გუნდმა ყურადღების დეფიციტისა და ჰიპერაქტიურობის სინდრომის კვლევაში მნიშვნელოვანი ნაბიჯი გადადგა წინ. ამან შეიძლება შეცვალოს ამ მდგომარეობის მქონე ადამიანებისა და მათი ოჯახების ცხოვრება. მომავალში ექსპერტები გეგმავენ კვლევის გაგრძელებას სხვა საკონტროლო ჯგუფებთან და ძირითადი მექანიზმის გარკვევას.
