გამოქვეყნებული თანამგზავრული ფოტოების თანახმად, მარიუპოლის თეატრის ორივე მხარეს ასფალტის ტროტუარზე გამაფრთხილებელი ნიშნები იყო დახატული წარწერით „ბავშვები“.
მარიუპოლის თეატრთან ახლოს, ტროტუარზე დიდი ასოებით იყო დაწერილი სიტყვა „ბავშვები“. წარწერები კარგად ჩანს Maxar Technologies-ის ახალ თანამგზავრულ სურათებზე. სურათების თარიღის მიხედვით თუ ვიმსჯელებთ, წარწერები თეატრთან ორშაბათს უკვე იყო.
მარიუპოლის საქალაქო საბჭომ განაცხადა, რომ ამის მიუხედავად, რუსეთის ჯარებმა განზრახ და ცინიკურად გაანადგურეს ქალაქის ცენტრში მდებარე დრამატული თეატრი. წინასწარი ინფორმაციით, თვითმფრინავმა ბომბი ჩამოაგდო შენობაზე, სადაც ასობით მარიუპოლის მშვიდობიანი მოქალაქე იმალებოდა. დაღუპულთა რაოდენობა ჯერ კიდევ უცნობია.
