ბელარუსის არმიის რიგგარეშე წვრთნების, უკრაინაში ომის, მინსკის პოზიციისა და რუსეთის პრეზიდენტ ვლადიმერ პტუინთან ურთიერთობების შესახებ კითხვები ბელარუსის პრეზიდენტ ალექსანდრე ლუკაშენკოს Associated Press-თან ინტერვიუში დაისვა. ინტერვიუ Associated Press-ის ვიცე-პრეზიდენტმა იან ფილიპსმა ჩაატარა.
ომზე ლუკაშენკომ თქვა:
„გულწრფელად რომ ვთქვა, არ მეგონა, რომ ეს ოპერაცია ასე დიდხანს გაჭიანურდებოდა. თუმცა, ამ საკითხში იმდენად ჩაფლული არ ვარ, რომ ვთქვა, მიდის თუ არა საქმეები გეგმის მიხედვით, როგორც ამბობენ, ან როგორც მე ვგრძნობ. კიდევ ერთხელ ხაზს ვუსვამ: ჩემი განცდაა, რომ ეს ოპერაცია გაჭიანურდა.“.
ლუკაშენკომ ასევე გამოთქვა თავისი მოსაზრება ამ ომში ბირთვული იარაღის გამოყენების ჰიპოთეტურ შესაძლებლობასთან დაკავშირებით.
„ბირთვული იარაღის გამოყენება ასევე მიუღებელია, რადგან ის აქ ხდება. არა ზუსტად აქ, მაგრამ არც საზღვარგარეთ, მაგალითად, შეერთებულ შტატებში. ეს ასევე მიუღებელია, რადგან მას შეუძლია ჩვენი პლანეტა მთლიანად ორბიტიდან ამოაგდოს და არავინ იცის სად გავფრინდეთ. ამიტომ, ბირთვული იარაღის და ა.შ. გამოყენება მიუღებელია. (...) შეუძლია თუ არა რუსეთს - ეს კითხვა რუსეთის ხელმძღვანელობას უნდა დაუსვათ.“.
ლუკაშენკომ ადრე საჯაროდ დაუჭირა მხარი რუსეთის ქმედებებს უკრაინაში, მარტის დასაწყისში რუსეთის პრეზიდენტთან შეხვედრაზე კი განაცხადა, რომ კიევს ბელარუსზე თავდასხმა ჰქონდა დაგეგმილი, თუმცა მოსკოვმა ეს აღკვეთა.
რუსეთმა სამხედრო წვრთნების საბაბით ბელარუსში ჯარები შეიყვანა, შემდეგ კი უკრაინაში, 24 თებერვალს დაწყებული შეჭრის ფარგლებში, გაგზავნა.
