სამხედრო ოპერაციების გამო ევაკუირებული კურსკის ოლქის ზოგიერთი მცხოვრები რუსეთის მიერ ოკუპირებულ ზაპოროჟიეს ოლქის ტერიტორიებზე გადასახლდება. ამის შესახებ კურსკის ოლქის გუბერნატორის მოვალეობის შემსრულებელმა ალექსეი სმირნოვმა ზაპოროჟიეს ოლქის პრორუსულ „ხელმძღვანელთან“ ევგენი ბალიცკისთან სატელეფონო საუბრისას განაცხადა.
The Insider-ის ცნობით , აზოვის ზღვის სანაპიროზე, ბერდიანსკიდან კირილოვკამდე, სანატორიუმები და პანსიონები ევაკუირებულთა განსათავსებლად გამოყენებული იქნება.
მანამდე, 8 აგვისტოს, კურსკის ოლქის სუძანსკის რაიონის, რომელიც საბრძოლო მოქმედებების ზონაში მდებარეობს, მაცხოვრებლებმა სმირნოვის დაპირებების მიუხედავად ევაკუაციის შეუძლებლობა გამოთქვეს. თუმცა, 10 აგვისტოს საგანგებო სიტუაციების სამინისტრომ განაცხადა, რომ 76 000 ადამიანი იქნა ევაკუირებული, რაც კონფლიქტის ზონაში მცხოვრები მოსახლეობის რაოდენობას აღემატება. მომდევნო დღეს საგანგებო სიტუაციების სამინისტრომ დააზუსტა, რომ დაახლოებით 8 000-მა ადამიანმა ნებაყოფლობით დატოვა სასაზღვრო ზონები, ხოლო 6 000-ზე მეტი დროებით განთავსების ცენტრებში მოათავსეს.
