პორტუგალიელი ფეხბურთელი „მანჩესტერ იუნაიტედის“ კრიშტიანუ რონალდუ მსოფლიოში პირველი ადამიანი გახდა, რომელმაც „ინსტაგრამზე“ 500 მილიონი გამომწერი მოიპოვა.
37 წლის ფეხბურთელი დიდი ხანია ინსტაგრამზე ამ მაჩვენებლით რეკორდსმენია და ახლა ის მსოფლიოში პირველი ადამიანი გახდა, რომელსაც ნახევარი მილიარდი ადამიანი მიჰყვება.
მხოლოდ სოციალური ქსელის ოფიციალურ ანგარიშს ჰყავს მეტი გამომწერი (570 მილიონი).
სოციალურ ქსელში მეორე ყველაზე პოპულარული ადამიანი არგენტინელი ლიონელ მესია, 376 მილიონზე მეტი გამომწერით. მესამე ადგილზეა მოდელი კაილი ჯენერი 372 მილიონი გამომწერით.
მეოთხე ადგილს მომღერალი და მსახიობი სელენა გომესი იკავებს (357 მილიონი გამომწერი), ხოლო Instagram-ზე ყველაზე პოპულარული ადამიანების ხუთეულს ასრულებს ჰოლივუდის მსახიობი დუეინ ჯონსონი (348 მილიონი გამომწერი).
რონალდომ ცოტა ხნის წინ თავის პროფილზე გამოაქვეყნა საკუთარი და ლიონელ მესის ფოტო, რომელიც Louis Vuitton-ის აქციის ნაწილი იყო და მაშინვე მედიასენსაციად იქცა. ფოტოს ამჟამად 36 მილიონზე მეტი მოწონება აქვს.
