ფედერაციის საბჭო დარწმუნებულია, რომ კუნძულზე ნენსი პელოსის ვიზიტმა, სავარაუდოდ, ჩინეთს რუსეთთან დაახლოების აუცილებლობა ნათლად გააცნობიერა.
რუსეთის ფედერაცია მზადაა, ტაივანში შეიარაღებული კონფლიქტის შემთხვევაში ჩინეთს სამხედრო დახმარება გაუწიოს.
ამის შესახებ, სააგენტო „ტასის“ ცნობით, ფედერაციის საბჭოს საერთაშორისო ურთიერთობების კომიტეტის თავმჯდომარის პირველმა მოადგილემ, ვლადიმერ ჯაბაროვმა განაცხადა.
ის დარწმუნებულია, რომ აშშ-ის წარმომადგენელთა პალატის სპიკერის, ნენსი პელოსის, ტაივანში ვიზიტის შემდეგ, ჩინეთმა, სავარაუდოდ, „მიხვდა, რომ მომავალში რუსეთთან დაახლოება სჭირდება“.
ამ ეტაპზე, რუსეთს „არ აქვს საფუძველი, უარი უთხრას ჩინეთს დახმარებაზე“ კუნძულზე შეიარაღებული კონფლიქტის შემთხვევაში, თუ ისინი ამას მოითხოვენ.
„მე ვერ ვხედავ მიზეზს, რომ უარი ვთქვა ჩინელებისთვის დახმარებაზე, მაგრამ მსურს, რომ ეს მოძრაობა ჩინეთთან ორმხრივი იყოს, რაც იმას ნიშნავს, რომ ჩვენც უნდა მივიღოთ გარკვეული სარგებელი ამ თანამშრომლობიდან“, - თქვა მან.
„პრინციპში, შეუძლებელი არაფერია. ჩვენ გვესმის, რომ ზოგჯერ ეს შემთხვევითობის საკითხია; კონფლიქტი შეიძლება დაიწყოს და დიდ ომში გადაიზარდოს. თუმცა, მე ვფიქრობ, რომ ჩინეთი ამ მხრივ ძალიან ფრთხილია, ძალიან თავშეკავებულია, მაგრამ ის აგრძელებს თავდაცვისუნარიანობის სწრაფად გაძლიერებას. და დარწმუნებული ვარ, რომ ჩინეთი ამ შემთხვევაში რუსეთის ფედერაციისგან გარკვეულ დახმარებას იმედოვნებს“, - დასძინა ჯაბაროვმა ტაივანში შეიარაღებული კონფლიქტის რისკებზე კომენტარის გაკეთებისას.
შეგახსენებთ, რომ 2 აგვისტოს აშშ-ის წარმომადგენელთა პალატის სპიკერი ნენსი პელოსი ტაივანში ვიზიტით ჩავიდა.
ჩინეთმა განაცხადა, რომ პელოსის ტაივანში ჩასვლის შემთხვევაში, ის „გადამწყვეტი ზომებით“ უპასუხებს და ასევე განაცხადა, რომ „კატეგორიულად ეწინააღმდეგება“ პოტენციურ ვიზიტს.
ვიზიტის წინა დღეს პეკინმა გააფრთხილა „საშინელი პოლიტიკური შედეგების“ შესახებ. ჩინეთის ოფიციალურმა პირებმა ასევე განაცხადეს, რომ ერი „უმოქმედოდ არ იჯდება“, თუ ჩინეთი იგრძნობს, რომ მისი „სუვერენიტეტი და ტერიტორიული მთლიანობა“ საფრთხის ქვეშაა.
აშშ-მ ოფიციალურად არ დაადასტურა პელოსის ტაივანში ვიზიტი. მისი აზიური ტურნე მოიცავს ვიზიტებს იაპონიაში, სამხრეთ კორეაში, მალაიზიასა და სინგაპურში, რომელთაგან ზოგიერთი უკვე შედგა.
პელოსი, რომელიც ტაიბეიში დაეშვა, ბოლო 25 წლის განმავლობაში პირველი მაღალი რანგის ამერიკელი პოლიტიკოსი გახდა, რომელიც ტაივანს ეწვია.
წაიკითხეთ წყარო
