ფეტა ყველის ბრენდის დასახელება ევროკავშირში დაცულია, როგორც გეოგრაფიული აღნიშვნა, ამიტომ 2023 წლიდან ევროპამ უკრაინას აუკრძალა თავისი პროდუქტის ასეთად მონიშვნა, წერს Agroportal.
საზოგადოებრივი გაერთიანების „უკრაინის ცხვრისა და თხის მოშენების“ თავმჯდომარის მოადგილემ, ნატალია იაკიმენკომ განაცხადა, რომ გადაწყდა, გამოყენებულიყო უძველესი უკრაინული სიტყვა „ნაბელი“ და ფეტა „ნაბელ რასოლნით“ ჩანაცვლებულიყო.
მისი თქმით, რებრენდინგი გულისხმობს მარკეტინგული პროგრამის დაწყებას, რომელიც მომხმარებლებს ახალი სახელწოდებისა და ყველის ხარისხის შესახებ აცნობებს.
უკრაინამ ევროპული გეოგრაფიული აღნიშვნები ევროკავშირთან ასოცირების შეთანხმების ფარგლებში აღიარა. იმავე რეგულაციების შესაბამისად, ქვეყანამ 2026 წლიდან უარი თქვა თავისი პროდუქციის აღსანიშნავად სახელწოდება „კონიაკის“ გამოყენებაზე.
კიევმა ასევე მიიღო საკუთარი გეოგრაფიული აღნიშვნების უფლება. პირველი უკრაინული გეოგრაფიული აღნიშვნა, რომელიც შეესაბამება ევროპულ რეგისტრაციის წესებს და ევროკავშირში აღიარების უფლება აქვს, იყო ყველი „ჰუცულსკა ოვეჩა ბრინჯა“.