19 ივლისს გაუჩინარებული „რობინსონის“ ვერტმფრენი იაკუტიაში რადარიდან გაუჩინარებიდან სამი დღის შემდეგ მთლიანად განადგურებული იპოვეს. ამის შესახებ აღმოსავლეთ ციმბირის სატრანსპორტო პროკურატურამ განაცხადა თავის Telegram არხზე
სამძებრო-სამაშველო სამუშაოების შედეგად აღმოჩენილ იქნა ვერტმფრენის ნამსხვრევები, რომლის ბორტზეც პილოტი და სამი მგზავრი იმყოფებოდა. სამწუხაროდ, ყველა მათგანი დაიღუპა. ვერტმფრენი რადარიდან 19 ივლისს გაუჩინარდა და დაახლოებით შუაღამისას თვითმფრინავის საგანგებო ლოკატორის შუქურა გააქტიურდა.
სამძებრო სამუშაოები სამ დღეზე მეტხანს გაგრძელდა და რთული რელიეფისა და არასასურველი ამინდის პირობების გამო გართულდა. ავიაკატასტროფის ადგილი მთიან, დაბალ ღრუბლიან ზონაში მდებარეობდა, რაც სამძებრო ჯგუფს აფრენას ხელს უშლიდა.
გამომძიებლებმა სისხლის სამართლის საქმე აღძრეს საჰაერო ტრანსპორტის უსაფრთხოების რეგულაციების დარღვევის ფაქტზე. ავიაკატასტროფის გარემოებები საფუძვლიანად იქნება გამოძიებული.
