უკრაინის პრეზიდენტმა ვოლოდიმირ ზელენსკიმ დონეცკის ოლქის მაცხოვრებლებს დაუყოვნებლივ ევაკუაციისკენ მოუწოდა. მან განაცხადა, რომ საბრძოლო მოქმედებების ზონაში ასობით ათასი ადამიანი რჩება, ამიტომ ევაკუაცია დაუყოვნებლივ უნდა განხორციელდეს. მან ასევე გამოთქვა მზადყოფნა, დაეხმაროს იძულებით გადაადგილებულ პირებს.
ვოლოდიმირ ზელენსკიმ მოუწოდა ხალხს, ესაუბრონ ნათესავებსა და მეგობრებს, რათა დაარწმუნონ ისინი, წავიდნენ და დაეხმარონ სხვებს.
უკრაინის ხელისუფლება დონბასიდან 220 000-მდე მოქალაქის ევაკუაციას ვარაუდობს.
„სრული მხარდაჭერა, სრული დახმარება - ლოჯისტიკა და გადახდები. ჩვენ მხოლოდ თავად ადამიანებისგან გვჭირდება გადაწყვეტილება, რომლებსაც ჯერ არ მიუღიათ გადაწყვეტილება. მობრძანდით, დაგეხმარებით“, - დაჰპირდა უკრაინის პრეზიდენტი.
