პრეზიდენტი ვოლოდიმირ ზელენსკი მიიჩნევს, რომ უკრაინაში ომის დასრულება კრემლის ლიდერ ვლადიმერ პუტინთან მოლაპარაკებების გზით არის შესაძლებელი. ამავდროულად, უკრაინის ლიდერი კომპრომისისთვის ღიაა, მაგრამ მხოლოდ იმ შემთხვევაში, თუ რუსეთიც ასევე მზად იქნება.
ამის შესახებ ინფორმაციას RBC-Ukraine ავრცელებს, რომელიც პრეზიდენტის გერმანულ გამოცემა Bild-თან ინტერვიუს ეყრდნობა.
„აქ კითხვა არ არის, რისი მიცემა შემიძლია. ყველა მოლაპარაკების მიზანი რუსეთთან ომის დასრულებაა. ასევე მზად ვარ გარკვეული ნაბიჯები გადავდგა. კომპრომისები შესაძლებელია, მაგრამ ისინი არ უნდა იყოს ჩემი ქვეყნის ღალატი. მეორე მხარეც მზად უნდა იყოს კომპრომისზე წასასვლელად, სწორედ ამიტომ ეწოდება მათ კომპრომისები. ეს არის ერთადერთი გზა, რომლითაც შეგვიძლია ამ სიტუაციიდან გამოსვლა“, - განმარტა სახელმწიფოს მეთაურმა.
ზელენსკიმ აღნიშნა, რომ დეტალების განხილვა ნაადრევია, რადგან საპრეზიდენტო დონეზე კონტაქტი ჯერ არ ყოფილა.
„დეტალებზე ჯერ ვერ ვისაუბრებთ. პრეზიდენტებს შორის პირდაპირი კონტაქტი ჯერ არ გვქონია. მხოლოდ ორ პრეზიდენტს შორის პირდაპირი მოლაპარაკებების შემდეგ შევძლებთ ამ ომის დასრულებას“, - თქვა მან.
