გეიმერები თვლიან, რომ ვიდეო თამაშები, წიგნების მსგავსად, მათ წარმოსახვის განვითარებას უწყობს ხელს.
დიდი ბრიტანეთის წიგნიერების ეროვნულმა ტრასტმა, ინტერაქტიული გართობის ასოციაციასთან და Penguin Random House Children-თან ერთად, ჩაატარა კვლევა, რომლის თანახმადაც ვიდეო თამაშებს შეუძლიათ წიგნიერების (კითხვისა და წერის უნარების) გაუმჯობესება ბიჭებსა და მკითხველისადმი უხალისოდ განწყობილ პირებში.
კვლევის ფარგლებში, ექსპერტებმა გამოკითხეს 11-16 წლის 4,626 ბრიტანელი ზრდასრული ადამიანი. აღმოჩნდა, რომ ვიდეო თამაშების მოთამაშე რესპონდენტთა 79% კითხულობს თამაშთან დაკავშირებულ მასალას - არა მხოლოდ თავად თამაშში, არამედ ონლაინ რესურსებსა და წიგნებშიც. მესამედი (35%) მიიჩნევს, რომ ვიდეო თამაშები მათ კითხვის უნარების გაუმჯობესებაში ეხმარება.
გეიმერების 63% ასევე რეგულარულად წერს ვიდეო თამაშებთან დაკავშირებულ რაღაცეებს, ფანფიქშენიდან დაწყებული სხვა მოთამაშეებისთვის რჩევებით დამთავრებული. თითქმის იგივე პროცენტი (58%) სცენარის წერას ან ვიდეო თამაშების დიზაინს ისურვებდა, ხოლო 31%-ს სკოლაში ვიდეო თამაშების შესახებ მეტის წერა და კითხვა სურს.
გარდა ამისა, ბიჭები გოგონებთან შედარებით უფრო მეტად იყვნენ მიდრეკილნი ვიდეო თამაშებისკენ (96% 65%-ის წინააღმდეგ). გარდა ამისა, რესპონდენტთა 73%-მა, რომლებმაც განაცხადეს, რომ არ მოსწონდათ კითხვა, აღნიშნა, რომ ვიდეო თამაშები მათ უფრო მეტად ეხმარებოდათ ისტორიის შესწავლაში, ვიდრე წიგნები.
გამოკითხული თინეიჯერი გეიმერების ორმა მესამედმა (65%) აღნიშნა, რომ თამაშები ეხმარება მათ საკუთარი თავის სხვის ადგილას წარმოჩენაში, რაც, მკვლევარების აზრით, შესაძლოა, თანაგრძნობის უნარების გაძლიერებაზე მიუთითებდეს.
გარდა ამისა, გამოკითხვამ აჩვენა, რომ მოზარდები ვიდეო თამაშებზე უფრო ხშირად საუბრობენ, ვიდრე წიგნებზე (76% 29%-ის წინააღმდეგ). „ვიდეო თამაშები მეხმარება კონტაქტის შენარჩუნებაში ჩემს ბიძაშვილთან, რომელიც ასობით მილის მოშორებით ცხოვრობს“, - აღნიშნა ერთ-ერთმა რესპონდენტმა.
გამოკითხულებმა ასევე განაცხადეს, რომ კომპიუტერული თამაშები მათ სტრესთან და რთულ ემოციებთან გამკლავებაში ეხმარება.
