რუსეთმა უკრაინის საზღვაო პორტების ბლოკადა უნდა მოხსნას. რუსეთის პრეზიდენტის, ვლადიმერ პუტინის პოზიცია, რომ უკრაინის სავაჭრო გზების ბლოკირება ევროპის რამდენიმე ქვეყანაში საკვების დეფიციტს გამოიწვევს და დასავლეთს დიქტატორთან შეთქმულებისკენ აიძულებს, არ უნდა გაამართლოს.
ამის შესახებ ესტონეთის თავდაცვის ძალების ყოფილმა მეთაურმა, გენერალ-ლეიტენანტმა რიგო ტერასმა Guildhal-თან ინტერვიუში ისაუბრა. მან აღნიშნა, რომ შავ ზღვაში ნატოს გემების განლაგება უკრაინის პორტების განბლოკვისა და საზღვაო გადაზიდვების უზრუნველყოფის მიზნით, ძლიერი შემაკავებელი ფაქტორი იქნება.
„არა მგონია, რუსეთი გაბედოს ნატოს გემებზე თავდასხმა, რომლებიც სამოქალაქო გემებს ესკორტს ატარებენ, რადგან ეს ნატოსთან პირდაპირ დაპირისპირებას გამოიწვევს და რუსეთი უკრაინასთან ისედაც დაძაბული სიტუაციის გათვალისწინებით, ნატოს მსგავს ძალასთან გამკლავებისთვის არანაირ პოზიციაში არ არის. სამწუხაროდ, თითქმის დარწმუნებული ვარ, რომ ნატო ესკალაციის შიშით თავის გემებს არ გაგზავნის“, - აღნიშნა ტერასმა.
სამხედრო მოსამსახურემ ასევე ხაზგასმით აღნიშნა, რომ პუტინს კატეგორიულად არ სურს და ეშინია ნატოს ან ევროკავშირის ქვეყნების პირდაპირი ჩარევის უკრაინასთან კონფლიქტში.
