ესპანეთის ხელისუფლებამ გადაწყვიტა, რომ რენფეს ეროვნული სარკინიგზო ქსელით უფასო მგზავრობა, რომელიც პირველად 2022 წლის სექტემბერში დაინერგა, მინიმუმ 2023 წლამდე გააგრძელოს.
ამის შესახებ გამოცემა „The Independent“ ესპანეთის ფინანსთა მინისტრის, მარია ხესუს მონტეროს განცხადებაზე დაყრდნობით იუწყება.
მინისტრმა განაცხადა, რომ ამ კამპანიის დასაფინანსებლად 700 მილიონი დოლარი გამოიყო.
მისი თქმით, უფასო მატარებლით მგზავრობის შემოღებამ უკვე დაეხმარა ესპანეთის ბევრ მოქალაქეს საზოგადოებრივ ტრანსპორტზე გადასვლაში მავნე გამონაბოლქვის შესამცირებლად.
„ჩვენ ვაპირებთ ამ პოლიტიკის სტრუქტურულ პოლიტიკად გარდაქმნას და საზოგადოებრივი ტრანსპორტიდან CO2-ის ემისიების შემცირების კონკრეტულ შედეგებს ვიხილავთ. ეს მომდევნო წლების პრიორიტეტული პოლიტიკაა“, - განაცხადა მინისტრმა.
აღსანიშნავია, რომ ესპანეთში ევროკავშირის მომავალი გარემოსდაცვითი ინიციატივის გამო საჰაერო მგზავრობის ფასების ზრდაზე საუბრის ფონზე, მატარებლით მგზავრობა შესაძლოა თვითმფრინავით მგზავრობის რეალურ ალტერნატივად იქცეს.
