სომხურ კონიაკს „სომხური ბრენდი“ დაერქმევა. ამის შესახებ სომხეთის ეკონომიკის მინისტრმა გევორგ პაპოიანმა პარლამენტის წევრების კითხვების საპასუხოდ განაცხადა 4 ივნისს, პარლამენტის მუდმივი კომიტეტების ერთობლივ სხდომაზე, ეროვნულ ასამბლეაში 2023 წლის სახელმწიფო ბიუჯეტის შესრულების ანგარიშის განხილვის დროს.
„კონიაკის რებრენდინგის პროცესში სომხეთი მნიშვნელოვნად მიიჩნევს „სომხური ბრენდის“ გეოგრაფიული აღნიშვნის რეგისტრაციას. ამრიგად, კომპანია BEKPO-სთან ჩატარებული მუშაობისა და მათ მიერ დაწყებული კვლევის შედეგად, სომხური კონიაკისთვის სასურველი ვარიანტის სახით შემოთავაზებული იქნა სახელწოდება „სომხური ბრენდი“,“ - განაცხადა პაპოიანმა.
მინისტრმა აღნიშნა, რომ ეს ევროპელ პარტნიორებსაც ეცნობათ, ჯერ კიდევ 2023 წლის 17 ოქტომბერს. „ახალი სახელწოდება საშუალებას მოგვცემს, ხელი შევუწყოთ, გავავრცელოთ რეკლამები, ექსპორტი განვახორციელოთ და უზრუნველვყოთ მკაცრი ხარისხის კონტროლის მექანიზმების დანერგვა, ასევე კონიაკის წარმოება. ევროკავშირი ასევე უზრუნველყოფს ამ სფეროს მხარდაჭერას 2.9 მილიონი ევროს ოდენობით. თანხები ორი წლის განმავლობაში გაიცემა“, - დასძინა მთავრობის წარმომადგენელმა.
