პარიზის ერთ-ერთმა მთავარმა ღირსშესანიშნაობამ, ეიფელის კოშკმა, ჟანგი დაიწყო და მასშტაბურ რემონტს საჭიროებს, იტყობინება The Guardian.
ექსპერტების თქმით, კოშკი სრულად უნდა დაიშალოს, შეკეთდეს და ხელახლა შეიღებოს. ჟურნალ „მარიენის“ ცნობით, კოშკის კონსტრუქცია 2010 წლიდან ცუდ მდგომარეობაშია.
„გუსტავ ეიფელი ამ ადგილს რომ ეწვია, გულის შეტევა დაემართებოდა“, - ციტირებს გამოცემა ეიფელის კოშკის ერთ-ერთი მენეჯერის სიტყვებს.
გუსტავ ეიფელი გვირჩევდა კოშკის შეღებვას შვიდ წელიწადში ერთხელ, ჟანგის თავიდან ასაცილებლად.
„ყველაზე მნიშვნელოვანი ის არის, რომ ჟანგის გაჩენა თავიდან ავიცილოთ“, - თქვა მან.
ეიფელის კოშკი 1889 წელს აშენდა. თავდაპირველად მისი 20 წლით დგომა იყო დაგეგმილი. ყოველწლიურად დაახლოებით 6 მილიონ ტურისტს იზიდავს და ვიზიტორთა რაოდენობით მეოთხე ადგილზეა დისნეილენდის, ლუვრისა და ვერსალის სასახლის შემდეგ.
