გერმანიამ, ესპანეთმა და საფრანგეთმა მიაღწიეს პოლიტიკურ შეთანხმებას, რათა დაიწყონ ახალი თაობის გამანადგურებლის, FCAS-ის (მომავლის საბრძოლო საჰაერო სისტემა) ერთობლივი პროექტის მუშაობის ახალი ფაზა.
ხუთი წლის წინ დაწყებული პროგრამა სხვადასხვა ქვეყნის კომპანიების პასუხისმგებლობის სფეროებთან დაკავშირებით უთანხმოების გამო შეჩერდა.
ახალი ფაზის ღირებულება — 3.5 მილიარდი ევრო — ქვეყნებს შორის დაახლოებით თანაბრად გადანაწილდება. პროექტის საერთო ღირებულება 2040 წლისთვის 100 მილიარდ დოლარად არის შეფასებული.
მოსალოდნელია, რომ FCAS სწორედ ამ დროიდან დაიწყებს მიმდინარე თაობის მანქანების ჩანაცვლებას, თუმცა ყველა ანალიტიკოსი არ ეთანხმება, რომ ეს ვადა დაცული იქნება.
