ევროპის რამდენიმე ქვეყანა ტყის ხანძრებს ებრძვის, რასაც უკიდურესად ცხელი ამინდი ამწვავებს.
სამხრეთ-დასავლეთ საფრანგეთში 16 000-ზე მეტი ადამიანი, ძირითადად ტურისტები, იძულებული გახდნენ ევაკუაცია გაეკეთებინათ. ადგილობრივი ხელისუფლების ცნობით, სიტუაცია კვლავ მძიმეა, ძირითადად ძლიერი ქარის გამო. ჯერ კიდევ გაურკვეველია, როდის მოხდება სიტუაციის კონტროლზე აყვანა. ხანძრები მძვინვარებს ესპანეთშიც..
ბოლო კვირის განმავლობაში ესპანეთში 360-ზე მეტი ადამიანი გარდაიცვალა. გარდაცვლილთა ყველაზე მეტი რაოდენობა პარასკევს დაფიქსირდა, როდესაც უკიდურესი სიცხის გამო 123 ადამიანი გარდაიცვალა. ზოგიერთ რეგიონში ტემპერატურამ 45,5 გრადუს ცელსიუსს გადააჭარბა.
სინოპტიკოსების პროგნოზები არასახარბიელოა. გასულ თვეში, პირველი სიცხის ტალღის დროს, 800-ზე მეტი ადამიანი დაიღუპა. ამით დაღუპულთა რიცხვი 1000-ს გადააჭარბებს. ცენტრალურ ინგლისში მთავრობამ პირველად გამოაცხადა წითელი განგაში უკიდურესი სიცხის გამო. უელსსა და შოტლანდიაში გამოცხადდა ქარვისფერი, ანუ კაშკაშა ნარინჯისფერი განგაში. ცხელი ამინდი, სავარაუდოდ, 20 ივლისის დილამდე გაგრძელდება.
„მეგონა, რომ კლიმატის ცვლილება პოლიტიკური საკითხი იყო, მაგრამ ახლა ვფიქრობ, რომ ეს ძალიან სერიოზულია. ჩვენ რაღაც უნდა გავაკეთოთ პლანეტისა და მომავალი თაობების გადასარჩენად.“.
იტალიაში მთავრობამ საგანგებო მდგომარეობა გამოაცხადა ქვეყნის ყველაზე გრძელ მდინარე პოს გამომშრალ ხეობაში, რომლის წყალიც მუდმივი სიცხის გამო ზოგიერთ ადგილას მცირე რაოდენობითაა დაშვებული.
პორტუგალიაში ხანძრებმა წელს უკვე გაანადგურა 30 000 ჰექტარი ტყის ფართობი, ძირითადად ქვეყნის ჩრდილოეთით. მდგომარეობა სერიოზულია ხმელთაშუა ზღვის მთელ ტერიტორიაზე, დასავლეთით მაროკოდან აღმოსავლეთით კრეტამდე.
ტყის ხანძრები ასევე გაჩნდა სამხრეთ-დასავლეთ თურქეთის ზოგიერთ ადგილას და ხორვატიის ადრიატიკის სანაპიროზე.
