კორონავირუსის პანდემიით მოცულ ევროპაში ახალი მარშალის გეგმის შექმნისკენ მოუწოდებენ. ევროკომისიის პრეზიდენტმა ურსულა ფონ დერ ლაიენმა გაზეთ Welt am Sonntag-ისთვის მიცემულ კომენტარში ევროკავშირის ბიუჯეტში მასშტაბური ინვესტიციების საჭიროებაზე ისაუბრა, იტყობინება Deutsche Welle.
„ჩვენ გვჭირდება მარშალის გეგმა ევროპისთვის. მილიარდობით ევროს ინვესტიცია დღესვე უნდა განხორციელდეს მომავალი კატასტროფების თავიდან ასაცილებლად“, - განაცხადა ფონ დერ ლაიენმა. იგი დარწმუნებულია, რომ ძველი სამყარო მალე „ისევ მყარად დადგება ფეხზე“ და რომ ამჟამინდელი კრიზისი ევროპულ ერებს შორის ერთიანობის განცდას შექმნის.
ევროპაში SARS-CoV-2 კორონავირუსის ინფექციის 627 000-ზე მეტი შემთხვევა დადასტურდა. გარდაიცვალა 46 000 ადამიანი. გლობალური კორონავირუსის პანდემია გამოცხადდა. ინფიცირებულთა რიცხვმა 1.1 მილიონს გადააჭარბა.
1948 წელს მიღებულმა მარშალის გეგმამ აშშ-ს მილიარდობით დოლარის დახმარება გაუწია ევროპას. მან ხელი შეუწყო მეორე მსოფლიო ომის შედეგად განადგურებული ევროპის ეკონომიკის აღდგენას.
