ევროპარლამენტმა ხმათა უმრავლესობით დაამტკიცა რეზოლუცია, რომელიც რუმინეთისა და ბულგარეთის შენგენის ზონაში მიღებას ურჩევს.
რეზოლუციას 547 წევრმა მისცა ხმა, 49-მა წინააღმდეგ მისცა ხმა, ხოლო 43-მა თავი შეიკავა. რეზოლუცია ევროკავშირის საბჭოსგან მოითხოვს, რომ 2022 წლის ბოლომდე მიიღოს ყველა საჭირო ზომა რუმინეთისა და ბულგარეთის შენგენის ზონაში ინტეგრაციისთვის. Agerpres-ის ცნობით, ამ ქვეყნებისთვის სასაზღვრო კონტროლის მოხსნა 2023 წლის პირველ ნახევარში იგეგმება.
პარლამენტმა აღნიშნა, რომ შენგენის ზონა „ევროკავშირის ერთ-ერთი უდიდესი მიღწევაა“ და გააკრიტიკა ის ფაქტი, რომ ბულგარეთი და რუმინეთი ჯერ კიდევ არ არიან შეყვანილი შენგენის ზონაში, თუმცა დიდი ხანია აკმაყოფილებენ მოთხოვნებს.
წევრების თქმით, შიდა საზღვრების კონტროლის შენარჩუნება დისკრიმინაციულია და უარყოფითად მოქმედებს მოძრავი მუშაკებისა და მოქალაქეების ცხოვრებაზე. პორტებში საქონლის იმპორტის, ექსპორტისა და თავისუფალი გადაადგილების შეფერხება ასევე ზიანს აყენებს ევროკავშირის ერთიან ბაზარს.
