ევროპარლამენტმა ბუნებრივი აირი და ატომური ენერგია მდგრადი ენერგიის წყაროებად აღიარა. ისინი არ გამოირიცხება ტაქსონომიიდან - ეკონომიკა, რომელიც კლიმატთან არის დაკავშირებული და ამავდროულად მნიშვნელოვან შემოსავლებს გამოიმუშავებს.
სტრასბურგში პარლამენტის 328 წევრმა ტაქსონომიის გაფართოებას მხარი დაუჭირა. ეს ნიშნავს, რომ გაზის, მათ შორის რუსეთიდან, შეძენის წინააღმდეგ ერთ-ერთი მთავარი არგუმენტი გაუქმდა, იუწყება Euronews.
„ვფიქრობ, ეჭვები და მიღებული გადაწყვეტილებები ასახავს ჩვენს ამჟამინდელ საჭიროებებს“, - თქვა ფრანგმა ლიბერალმა პასკალ კანფენმა. „გაზი მხოლოდ ნახშირის შესაცვლელად არის საჭირო და მხოლოდ საუკეთესო ტექნოლოგიების გამოყენებისას. ბირთვული საწვავი სარისკოა, მაგრამ რადგან ის ნახშირორჟანგს არ წარმოქმნის, ის სასარგებლოა კლიმატის ცვლილებასთან ბრძოლაში“
არასამთავრობო ორგანიზაცია „ავააზის“ წარმომადგენელმა პატრიცია მარტინ დიასმა გამოთქვა მოსაზრება, რომ „ეს ცუდი დღეა ჩვენი პლანეტისთვის“. „გაზისა და ბირთვული ენერგიის „მწვანედ“ აღიარებით, ევროპარლამენტარებმა ასევე მისცეს ხმა პუტინის საომარი მანქანის მილიარდობით გამდიდრებას“, - დაასკვნა მან.
