„იზვესტიას“ ცნობით, ახალგაზრდებში კორონავირუსით ინფიცირების შემთხვევების ზრდის გამო, ევროპაში წვეულებების წინააღმდეგ მკაცრი ზომები დაიწყო.
ჯანდაცვის მსოფლიო ორგანიზაციამ (WHO) გამოცემას განუცხადა, რომ თებერვლიდან ივლისამდე 15-დან 24 წლამდე ასაკის ინფიცირებულთა რიცხვი 4,5-დან 15 პროცენტამდე გაიზარდა.
რადგან ევროპა ვირუსის მეორე ტალღის წინაშე დგას, ბევრმა ქვეყანამ კვლავ დაიწყო დისკოთეკებისა და ღამის კლუბების დახურვა, სადაც სოციალური დისტანცირება შეუძლებელია. ამასობაში, იტალიამ აკრძალა ღია ცის ქვეშ ცეკვაც კი. მალტაში, რომელიც ევროპელებისთვის კურორტად ითვლება, ადგილობრივმა ხელისუფლებამ არა მხოლოდ ღამის კლუბები და ბარები დახურა, არამედ 15-ზე მეტი ადამიანის შეკრებაც აკრძალა.
თურქეთის ქალაქ ანტალიაში მათ გადაწყვიტეს, რომ ქაფის წვეულებები აიკრძალოს, თუმცა რეგულარული დისკოთეკები ღია რჩება. რეგიონი ასევე ჯარიმას აწესებს პირბადის არ ტარებისთვის. გერმანიაში დისკოთეკები პანდემიის დაწყებიდან არ გახსნილა. გარდა ამისა, ბერლინის კლუბების მმართველთა გაერთიანებამ, Clubcommission-მა, განაცხადა, რომ ხელახლა გახსნას არ ჩქარობს.
4 სექტემბერს გამოცხადდა, რომ ევროპის უდიდესი ბორდელი, კიოლნში მდებარე Pascha, კორონავირუსის გამო გაკოტრდა. დაწესებულებამ ყველა სახსრები ამოწურა მას შემდეგ, რაც მთავრობამ პანდემიის ფონზე სექს-მუშაობა აკრძალა.
ივლისის ბოლოს, ჯანმო-ს რეგიონულმა დირექტორმა ჰანს კლუგემ COVID-19-ის მზარდი მაჩვენებლები ევროპაში მცხოვრებ ახალგაზრდებს დააბრალა და განაცხადა, რომ ისინი განსაკუთრებით დაზარალდნენ. მან ივარაუდა, რომ ინფექციების ზრდა შესაძლოა ახალგაზრდების მხრიდან სოციალური დისტანცირების წესების დაცვისადმი უხალისობით იყოს გამოწვეული.
