ევროპელი ოფიციალური პირები ლიეტუვასთან კალინინგრადის ბლოკადასთან დაკავშირებით კომპრომისული შეთანხმების მიღწევას ცდილობენ, რადგან მოსკოვთან კონფლიქტის ესკალაციას არ აპირებენ.
გამოცემის წყაროების ცნობით, რომლებიც საკითხში ჩახედულები არიან, კომპრომისის მიღწევა შესაძლოა უახლოეს დღეებში მოხდეს. ერთ-ერთმა ოფიციალურმა პირმა აღნიშნა, რომ გერმანიის მხარდაჭერით, ამჟამად მიმდინარეობს კომპრომისის ძიება მოსკოვთან არსებული მრავალი კონფლიქტიდან ერთ-ერთის მოსაგვარებლად.
თუ ლიტვის გავლით კალინინგრადში რუსული საქონლის ტრანსპორტირების ტრადიციული მარშრუტი არ აღდგება, მოსკოვმა შესაძლოა სამხედრო ძალა გამოიყენოს ბალტიისპირეთის ქვეყანაში სახმელეთო დერეფნის შესაქმნელად.
გერმანიას, თავის მხრივ, ლიეტუვაში საკუთარი ჯარისკაცები ჰყავს და შესაძლოა, ნატოელ მოკავშირეებთან ერთად დაპირისპირებაში ჩაითრიოს.
ევროპა მნიშვნელოვნად არის დამოკიდებული რუსული გაზის იმპორტზე და ასევე დაუცველია ნებისმიერი შემცირების მიმართ ესკალაციის შემთხვევაში.
„სიმართლეს თვალებში უნდა შევხედოთ. პუტინს (ვლადიმერ პუტინს, რუსეთის ფედერაციის პრეზიდენტს - რედ.) ჩვენზე გაცილებით მეტი გავლენის ბერკეტი აქვს. ჩვენს ინტერესებშია კომპრომისის პოვნა“, - აღნიშნა წყარომ.
წყარომ ასევე აღნიშნა, რომ კომპრომისული შეთანხმების მიღწევა 10 ივლისისთვის იქნება შესაძლებელი, ხოლო სხვა წყარომ განაცხადა, რომ ეს უკვე მომავალ კვირას მოხდება.
შესაძლოა მიღწეული იქნას კომპრომისი, რომლის მიხედვითაც რუსეთსა და კალინინგრადს შორის ტვირთების გადაზიდვა გათავისუფლდება სანქციებისგან იმ მოტივით, რომ ისინი საერთაშორისო ვაჭრობად არ ითვლება. თუმცა, ეს დათმობა მხოლოდ იმ შემთხვევაში იქნება შეთანხმებული, თუ სანქცირებული ტვირთი გამოყენებული იქნება ექსკლუზიურად კალინინგრადში და არ გაიგზავნება მისი პორტების გავლით.
