მოლდოვა ევროპის თავდაცვის ფონდიდან 40 მილიონ ევროს მიიღებს, რაც მას თავდაცვის ხარჯების გაორმაგების საშუალებას მისცემს.
ამის შესახებ საფრანგეთის პრეზიდენტმა ემანუელ მაკრონმა ოთხშაბათს, 15 ივნისს, პრეზიდენტ მაია სანდუსთან შეხვედრის შემდეგ განაცხადა, იტყობინება European Pravda NewsMaker-ზე დაყრდნობით.
„ამ რთულ კონტექსტში, ომის კონტექსტში, რომელიც როგორც მოლდოვას, ასევე მთელ ევროპას ემუქრება, თქვენი ქვეყანა ჩვენი თავდაცვის ფონდიდან დამატებით 40 მილიონ ევროს მიიღებს, რაც თქვენს სამხედრო ბიუჯეტს გააორმაგებს. ჩვენ ვიცით, რომ მოლდოვა ინარჩუნებს ნეიტრალურ სტატუსს, მაგრამ ეს არანაირად არ ნიშნავს ქვეყნის დემილიტარიზაციას“, - განაცხადა მაკრონმა.
15 ივნისს, მოლდოვასა და საფრანგეთის პრეზიდენტები კიშინიოვში შეხვდნენ.
მაკრონმა აღნიშნა, რომ ის მოლდოვასა და მისი ევროპული გზის მხარდაჭერის გამოსახატავად მოვიდა და სანდუმ საფრანგეთს თანამშრომლობისა და ფინანსური დახმარებისთვის მადლობა გადაუხადა.
მოლდოვას საგარეო საქმეთა სამინისტრო ამტკიცებს, რომ ევროკავშირის მიერ მოლდოვასთვის სამხედრო დახმარების გაწევის გადაწყვეტილების მიუხედავად, ქვეყნის ნეიტრალიტეტზე უარის თქმის საკითხი არ არსებობს.
