Apple-ის თანადამფუძნებელმა სტივ ვოზნიაკმა Bloomberg-თან ინტერვიუში Apple Intelligence-ის შესახებ ისაუბრა.
მან თქვა, რომ WWDC-ზე წარმოდგენილი ფუნქციებით შთაბეჭდილება მოახდინა მასზე, თუმცა მათი რეალური სარგებელი მხოლოდ მაშინ გახდება ნათელი, როდესაც ისინი რეგულარული მომხმარებლებისთვის ხელმისაწვდომი გახდება.
„პრობლემა ის არის, რომ დემო ვერსია ყოველთვის კარგად გამოიყურება, მაგრამ მე მჯერა, რომ თქვენ თვითონ უნდა სცადოთ, ნახოთ, როგორ მუშაობს და მხოლოდ ამის შემდეგ გამოთქვათ თქვენი აზრი.“ - სტივ ვოზნიაკი.
ვოზნიაკი ასევე იმედოვნებს, რომ Apple-მა გააუმჯობესა Siri. მას სიამოვნებს ხმოვანი ასისტენტის გამოყენება, თუმცა ზოგჯერ ის მის მოთხოვნებს ვერ ხვდება.
„თუ ისეთ რამეს იკითხავთ, რაც ნებისმიერ ადამიანს შეუძლია გაიგოს, მაგრამ ცოტა რთულია, ერთი დამატებითი სიტყვა, სირის ხანდახან უჭირს.“ - სტივ ვოზნიაკი.
ვოზნიაკი იმედოვნებს, რომ Apple Intelligence საბოლოოდ გაუადვილებს მომხმარებლებს ცხოვრებას და ჩაანაცვლებს მესამე მხარის ზოგიერთ აპლიკაციას.
