გერმანიის კანცლერმა ოლაფ შოლცმა ბუნდესტაგში სიტყვით გამოსვლისას მემარჯვენე პოპულისტურ პარტიას „ალტერნატივა გერმანიისთვის“ (AfD) „რუსეთის პარტია“ უწოდა, იუწყება DW.
შოლცმა უპასუხა AfD-ის პარლამენტის წევრის კითხვას, რომელმაც რუსეთისთვის დაწესებული სანქციები უსარგებლო უწოდა და მოითხოვა Nord Stream 2-ის გაზსადენის ექსპლუატაციაში გაშვება.
„AfD არა მხოლოდ მემარჯვენე პოპულისტური პარტიაა, არამედ რუსეთის პარტიაც“, - განაცხადა კანცლერმა.
მან დაადასტურა, რომ გერმანია ემზადება რუსული ნავთობისა და გაზისგან თავის დასაღწევად და საჭირო ინფრასტრუქტურას აშენებს. კანცლერის თქმით, ეს ნაბიჯი „გერმანიისთვის ყველა მოქალაქის ინტერესებიდან გამომდინარე რეალურ ენერგეტიკულ უსაფრთხოებას“ მიაღწევს.
6 ივლისს ბუნდესტაგში მემარცხენე პარტიის ფრაქციამ რუსეთის ენერგეტიკული სექტორის წინააღმდეგ სანქციების მოხსნა და „ჩრდილოეთის ნაკადი 2“-ის გაზსადენის გაშვებაზე დაბრუნება მოითხოვა.
