გერმანიის პოლიციამ სამი კომპანიის ოფისში ჩხრეკა ჩაატარა, რუსეთის წინააღმდეგ სანქციების გვერდის ავლის საქმეზე მათი დახმარების გამოძიების ფარგლებში.
ამის შესახებ ინფორმაციას RBC-Ukraine Reuters-ზე დაყრდნობით ავრცელებს.
რეიდები მოჰყვა გამომძიებლების მიერ გავრცელებულ ინფორმაციას, რომ მილიარდობით დოლარის ღირებულების ელექტრონული კომპონენტები კვლავ შემოდის რუსეთში დასავლეთის ექსპორტის შეზღუდვებისა და მწარმოებლების მიერ დაწესებული აკრძალვების მიუხედავად.
გერმანიის ხელისუფლებამ ასევე ჩაატარა ჩხრეკა სამი ეჭვმიტანილის საცხოვრებელ სახლებში, რომლის დროსაც ამოიღეს ჩანაწერები, დოკუმენტები და აღჭურვილობა.
საქმესთან ახლოს მყოფმა წყარომ განაცხადა, რომ სამი კომპანიიდან ერთ-ერთი იყო Smart Impex GmbH, გერმანული ელექტრონიკის საბითუმო მოვაჭრე, რომელსაც ხელისუფლება ეჭვობს, რომ თურქეთში შუამავალი კომპანიის მეშვეობით ელექტრონულ კომპონენტებზე დაწესებული სანქციებისგან თავის არიდებაშია ჩართული.
აღსანიშნავია, რომ ჰოლანდიური კომპანიების მიერ წარმოებული მიკროჩიპები, სანქციების მიუხედავად, რუსეთში შუამავლების მეშვეობით შემოდის.
