31 აგვისტოდან 2 სექტემბრამდე რუსული გაზის მონოპოლისტი „გაზპრომი“ სრულად შეწყვეტს ევროპაში გაზის მიწოდებას „ჩრდილოეთის ნაკადი 1“-ის მეშვეობით.
კომპანიამ ამის შესახებ საკუთარ Telegram არხზე განაცხადა.
„გაზპრომმა“ განაცხადა, რომ გაზის ექსპორტის შეჩერება, სავარაუდოდ, ერთი ბლოკის შეკეთებას უკავშირდებოდა. შეკეთების დასრულების შემდეგ, წარმოება დღეში 33 მილიონი კუბური მეტრის ოდენობით განახლდება.
„2022 წლის 31 აგვისტოს, ერთადერთი მოქმედი Trent 60 გაზის კომპრესორის ბლოკი სამი დღით გაითიშება ტექნიკური მომსახურებისა და დაგეგმილი პროფილაქტიკური მომსახურების მიზნით. ეს დაგეგმილი ტექნიკური მომსახურება, მოქმედი ტექნიკური მომსახურების კონტრაქტის შესაბამისად, Siemens-ის სპეციალისტებთან ერთად განხორციელდება“, - განაცხადა გაზის მონოპოლისტმა.
რუსეთის ამ განცხადებამდე, ევროპაში ბენზინის ფასი დაახლოებით 2500 დოლარი იყო. ახლა კი ფასი 2700 დოლარამდე გაიზარდა.
