ბულგარეთის პარლამენტმა ვეტო მოხსნა, რომელიც ჩრდილოეთ მაკედონიასა და ალბანეთს შორის ევროკავშირში გაწევრიანების მოლაპარაკებებს ბლოკავდა, იუწყება Sky News.
არხის ცნობით, ეს ნაბიჯი ახალ იმედს იძლევა, რომ ევროკავშირი შეძლებს დასავლეთ ბალკანეთში გაფართოების გეგმების გაგრძელებას რუსეთის მიერ უკრაინის წინააღმდეგ მიმდინარე ომის ფონზე.
ამ კვირაში საფრანგეთმა ბულგარეთსა და ჩრდილოეთ მაკედონიას შორის ეთნიკური და კულტურული დავების მოგვარების წინადადება წარადგინა, რასაც ვეტო მოჰყვა.
წინადადების თანახმად, ჩრდილოეთ მაკედონიამ კონსტიტუციაში უნდა აღიაროს, რომ ბულგარელები ქვეყნის ერთ-ერთი შემადგენელი ეთნიკური ჯგუფია.
ჩრდილოეთ მაკედონიამ პარასკევს განაცხადა, რომ შეთანხმებაზე დათანხმებამდე რამდენიმე საკითხის გარკვევაა საჭირო.
ზოგიერთი ევროპელი ლიდერი, რომლებიც ეწინააღმდეგებიან უკრაინის ევროკავშირში დაჩქარებულ გაწევრიანებას, ამტკიცებენ, რომ დასავლეთ ბალკანეთის კანდიდატ ქვეყნებთან გაწევრიანების მოლაპარაკებები ჯერ არ დაწყებულა. თუმცა, მონტენეგრო, ჩრდილოეთ მაკედონია და ალბანეთი მხარს უჭერენ უკრაინისთვის ევროკავშირის კანდიდატის სტატუსის მინიჭებას.
გუშინდელ ევროპული საბჭოს სხდომაზე უკრაინისა და მოლდოვას ევროკავშირში გაწევრიანების განაცხადების განხილვა გადაიდო, რადგან სლოვენიის, ავსტრიისა და ხორვატიის ლიდერებმა დაჟინებით მოითხოვეს ბოსნია და ჰერცეგოვინის ჩართვა საბოლოო დასკვნებში.
