ბრიანსკის ოლქის უნეჩას რაიონში, რკინიგზაზე აფეთქების შედეგად სატვირთო მატარებლის ლოკომოტივი ლიანდაგიდან გადავიდა, განაცხადა რეგიონის გუბერნატორმა ალექსანდრე ბოგომაზმა.
მისი თქმით, დაშავებულები არ არიან. ბრიანსკ-უნეჩას რკინიგზაზე მოძრაობა შეჩერებულია და იქ საგანგებო სიტუაციების სამსახურები მუშაობენ.
„ბაზა“ იუწყება, რომ 60 ვაგონიანი მატარებელი ლიანდაგიდან გადავიდა, რომელთაგან შვიდი ან რვა გვერდულად იწვა. რუსეთის რკინიგზა ადასტურებს ლოკომოტივისა და შვიდი ვაგონის ლიანდაგიდან გადავარდნის ფაქტს. მატარებელი ნავთობპროდუქტებსა და ხე-ტყეს გადაჰქონდა. „ფრთხილად, სიახლეები“ იუწყება, რომ ადგილობრივმა მაცხოვრებლებმა ტერიტორიაზე „ძლიერი აფეთქების“ ხმა გაიგეს.
