შინაგან საქმეთა სამინისტროს ცნობით, ბრეესტოვიცკის რაიონში პორნოგრაფიის დამზადების ბრალდებით 24 წლის ქალი დააკავეს.
გამომძიებლების თქმით, ქალი სამი წლის განმავლობაში „ამზადებდა საკუთარი თავის შესახებ ინტიმურ კონტენტს და ავრცელებდა მას პორნოგრაფიულ ვებსაიტზე“. გამოქვეყნებული სკრინშოტების მიხედვით თუ ვიმსჯელებთ, ეჭვმიტანილი იყენებდა პოპულარულ სერვისს OnlyFans.
„ის გადაღებებს აწარმოებდა როგორც საკუთარ სახლში, ასევე ბელორუსის გარეთ სხვადასხვა ადგილას. ფოტოებსა და ვიდეოებზე წვდომა 5-დან 100 დოლარამდე ჯდებოდა“, - იტყობინება შინაგან საქმეთა სამინისტრო.
ჩხრეკის დროს გოგონას ჩამოართვეს ლეპტოპი, „რომელზეც მზა პროდუქცია ინახებოდა“.
სისხლის სამართლის საქმე აღიძრა პორნოგრაფიული მასალის დამზადებისა და გავრცელების ფაქტზე.
