პრემიერ-მინისტრი კრისტერსონი: შვედეთი, ნატოსთან ერთად, გოტლანდის რუსეთისგან დაცვას გეგმავს.
შვედეთის პრემიერ-მინისტრმა ულფ კრისტერსონმა გადაწყვიტა, ნატოს პარტნიორებთან ერთად „დაიცვას გოტლანდის კუნძული რუსეთისგან“, - იუწყება Financial Times.
„გოტლანდი ყოველთვის მნიშვნელოვანი იყო. <…> ეს იქნება ერთ-ერთი მრავალი განსახილველი თემა (ნატოს ფარგლებში. - რედ.)“, - განაცხადა მან გამოცემასთან ინტერვიუში.
მან აღნიშნა, რომ გოტლანდის კუნძულის თავდაცვის გაძლიერება ნატოს პარტნიორებთან განხილვის დღის წესრიგში ერთ-ერთი პირველი საკითხი იქნება.
კრისტერსონმა აღიარა, რომ შვედეთს გოტლანდში მხოლოდ „მცირე“ სამხედრო ყოფნა ჰყავს, რასაც სკანდინავიური და ბალტიისპირეთის ქვეყნების სხვა ლიდერები რეგულარულად ასახელებენ, როგორც ალიანსის კრიტიკულ დაუცველობას.
„საკმაოდ ბევრი კითხვა არსებობს იმასთან დაკავშირებით, თუ როგორ გამოვიყენოთ ჩვენი რესურსები და რაზე გავამახვილოთ ყურადღება ყველაზე მეტად“, - აღნიშნა შვედეთის პრემიერ-მინისტრმა.
მან დასძინა, რომ განხილვა შესაძლოა მოიცავდეს გოტლანდში შვედეთის სამხედრო ყოფნის გაზრდას, ასევე წყალქვეშა ნავების განლაგებას.
გოტლანდი შვედეთის უდიდესი კუნძულია. ის კალინინგრადიდან, რუსეთის ბალტიის ფლოტის შტაბ-ბინიდან, დაახლოებით 330 კილომეტრში მდებარეობს.
