რუსეთის პრეზიდენტმა ვლადიმერ პუტინმა განაცხადა, რომ ევრაზიის ეკონომიკური კავშირის ფარგლებში სამ ქვეყანასთან მნიშვნელოვანი ეკონომიკური პოტენციალის მქონე სავაჭრო შეთანხმებების შემუშავება მიმდინარეობს.
ამის შესახებ რუსეთის ლიდერმა ორგანიზაციის საბჭოს სხდომაზე განაცხადა
„ევრაზიის ეკონომიკური კავშირი და ჩვენი ყველა ინტეგრაციული აქტივობა სულ უფრო მეტი საერთაშორისო მოთამაშის ყურადღებას იპყრობს. ბევრი უცხოური სახელმწიფო და მსხვილი რეგიონული სტრუქტურა ავითარებს კავშირებს ჩვენს კავშირთან. <…> მომზადების ეტაპზეა შეთანხმებები მნიშვნელოვანი ეკონომიკური პოტენციალის მქონე ქვეყნებთან, როგორიცაა ეგვიპტე, ინდონეზია და არაბთა გაერთიანებული საამიროები“, - ხაზი გაუსვა პუტინმა.
ღონისძიებას ტელეარხი „როსია 24“ გადასცემს.
რუსეთის ლიდერმა განაცხადა, რომ დსთ-ს, შანხაის თანამშრომლობის ორგანიზაციის და სამხრეთ-აღმოსავლეთ აზიის ქვეყნების ასოციაცია ინტერესს იჩენენ ევრაზიული ეკონომიკური კავშირის მიმართ. სხვა საკითხებთან ერთად, ევრაზიული ეკონომიკური კავშირი აფართოებს შეღავათიანი სავაჭრო პარტნიორების დიაპაზონს და ახორციელებს სავაჭრო შეთანხმებას ჩინეთთან. პუტინმა დასძინა, რომ ევრაზიული ეკონომიკური კავშირისა და „ერთი სარტყლის გზის“ ინიციატივის ფარგლებში ინტეგრაციული პროცესების ჰარმონიზაციის მცდელობები ასევე „რეალურ შედეგებს“ იძლევა. გარდა ამისა, ვაჭრობის ლიბერალიზაციის შესახებ შეთანხმებები არსებობს სერბეთთან, ირანთან და ვიეტნამთან.
