„გაზეტა.რუ“ -ს ცნობით, YouTube-მა უარი თქვა VPN-ის გამოყენების პოპულარიზაციის 300-ზე მეტი ვიდეოს წაშლაზე, „როსკომნადზორის“ მოთხოვნების მიუხედავად
ეს ვიდეოები შეიცავს ინსტრუქციებს, თუ როგორ უნდა აიცილოთ თავიდან დაბლოკვა და შეტანილია აკრძალული კონტენტის რეესტრში. საპასუხოდ, YouTube-მა რუსი მომხმარებლები გააფრთხილა, რომ მათი კონტენტი შესაძლოა დაიბლოკოს, თუ ისინი თავად არ წაშლიან მასალებს.
2024 წლის 30 ნოემბრიდან რუსეთში ამოქმედდება დამატებითი შეზღუდვები, რომლებიც კრძალავს VPN-ების შესახებ ტექნიკური ინფორმაციის გამოქვეყნებას, კორპორატიული გამოყენების მონაცემების გარდა. ეს ზომები მიზნად ისახავს დაბლოკილ რესურსებზე წვდომის კონტროლის გამკაცრებას.
რუსეთის ხელისუფლებამ YouTube არაერთხელ გააკრიტიკა აკრძალული კონტენტის ამოუღებლობის გამო. 2022 წელს როსკომნადზორმა პლატფორმა „ანტირუსულ საინფორმაციო ომში“ ჩართულად გამოაცხადა. 2024 წელს კი მომხმარებლებმა მომსახურების გაუარესება განიცადეს რუსეთში Google-ის სერვერების გათიშვის გამო, რამაც კონტენტის ჩატვირთვის სიჩქარე შეანელა.
როსკომნადზორი ხაზგასმით აღნიშნავს, რომ VPN-ის გამოყენება კანონს არღვევს, რადგან ის არალეგალურ რესურსებზე წვდომას უწყობს ხელს. 2021 წლიდან სააგენტომ უკვე დაბლოკა 167 VPN სერვისი და 84 აპლიკაცია, რაც ინტერნეტ შეზღუდვებთან საბრძოლველად მნიშვნელოვნად მიაჩნია.
