ცნობით ს , WhatsApp 2025 წლის 1 იანვრიდან შეწყვეტს მუშაობას Android-ის ძველი ვერსიების მქონე 19 სმარტფონის მოდელზე. ეს შეზღუდვა გავლენას მოახდენს Android KitKat-ის და უფრო ძველი ვერსიების მქონე მოწყობილობებზე.
სიაში შედის Samsung-ის, Motorola-ს, HTC-ის, LG-ის და Sony-ს მოდელები, რომლებიც 10 წელზე მეტი ხნის წინ გამოვიდა. მომხმარებლებს ურჩევენ, განაახლონ თავიანთი მოწყობილობები, წინააღმდეგ შემთხვევაში, მათ ემუქრებათ მესენჯერის ყველა მონაცემის, მათ შორის ჩატებისა და მედია ფაილების დაკარგვის რისკი.
WhatsApp-ი კვლავ მხარს უჭერს Android 5.0 და უფრო მაღალი ვერსიის მქონე სმარტფონებს, ასევე iOS 12 და უფრო მაღალი ვერსიის მქონე iPhone-ებს. დეველოპერებმა ეს გადაწყვეტილება უსაფრთხოების გაუმჯობესებისა და ახალი ფუნქციების დანერგვის აუცილებლობად ახსნეს.
მსგავსი ზომები ადრეც გამოიყენებოდა iPhone-ის ძველ მოდელებზე და WhatsApp-ის დაბლოკვის შესახებ გავრცელებული ჭორები უსაფუძვლო აღმოჩნდა.
