ევროპის ბაზარზე Volkswagen ID.4 კროსოვერი შემოვიდა, ID.3 ჰეჩბეკის შემდეგ „ელექტრო“ ID ოჯახის მეორე მოდელი. საშუალო ზომის ჯიპი შემოთავაზებულია სამი სიმძლავრით, 148-დან 240 ცხენის ძალამდე და WLTP ციკლის მიხედვით 508 კილომეტრამდე (318 მილი) გავლის დიაპაზონით.
ყველა ვერსია ექსკლუზიურად უკანა წამყვანი თვლებითაა აღჭურვილი, რაც იმას ნიშნავს, რომ მათ უკანა ღერძზე დამონტაჟებული ერთი ელექტროძრავა აქვთ. Pure-ის საბაზო ვერსიაში (საწყისი ფასი 37,000 ევროდან) ის 148 ცხენის ძალას გამოიმუშავებს, ხოლო 52 კილოვატ-საათიანი ლითიუმ-იონური აკუმულატორი მაქსიმალურ 345 კილომეტრის გავლას უზრუნველყოფს.
Pure Performance მოდიფიკაცია საბაზო მოდელისგან 170 ცხენის ძალით გაძლიერებული ძრავის სიმძლავრითა და უკეთესი აღჭურვილობით განსხვავდება. შესაბამისად, ოდნავ უფრო მძიმე წონის გამო, ID.4-ის დიაპაზონი 343 კილომეტრამდეა შემცირებული.
და ბოლოს, უმაღლესი დონის და ყველაზე ძვირადღირებული Pro Performance ვერსია (44,450 ევროდან) აღჭურვილია ყველაზე მძლავრი 204 ცხენის ძალის ელექტროძრავით და გაფართოებული 77 კილოვატ-საათიანი აკუმულატორით, რომელიც იდეალურ პირობებში 508 კილომეტრამდე გავლის დიაპაზონს გთავაზობთ. https://www.youtube.com/embed/q9Y7g7xaHjs
გასული წლის აგვისტოდან ცვიკაუს ქარხანაში „ევროპული“ Volkswagen ID.4-ის სერიული წარმოება მიმდინარეობს. ამავე ჯიპის ჩინური ვერსია ლოკალიზებულია ორ ერთობლივ საწარმოში - SAIC-Volkswagen-სა და FAW-Volkswagen-ში - თუმცა ორივე მანქანა დიზაინითა და მორთვით ოდნავ განსხვავდება.
