საერთაშორისო გადახდის სისტემები Visa და Mastercard სამ დღეში რუსეთის ბაზარზე ოპერირებას შეწყვეტენ.
რუსეთში გაცემული ბარათებით განხორციელებული ტრანზაქციები რუსეთის ეროვნული საგადახდო ბარათების სისტემის მეშვეობით დამუშავდება. ბარათის მფლობელებს მათი საზღვარგარეთ გამოყენება არ შეეძლებათ. რუსეთის ტუროპერატორების ასოციაციის მონაცემებით, ამჟამად საზღვარგარეთ მინიმუმ 150 000 რუსი ტურისტი მოგზაურობს. მათ ურჩიეს ნაღდი ფულის წინასწარ გატანა.
უცხოური ფინანსური ინსტიტუტების მიერ გაცემული ბარათები არ იმუშავებს რუსეთის ფედერაციაში.
„ნაღდი ფულის განაღდება, ბარათის ნომრით გადარიცხვები და როგორც ოფლაინ, ასევე რუსულ ონლაინ მაღაზიებში გადახდა შესაძლებელია, რადგან რუსეთში ყველა გადახდა დამუშავდება შიდა NSPK სისტემის მეშვეობით, უცხოური გადახდის გადაწყვეტილებებისგან დამოუკიდებლად. Mir ბარათები ასევე მიიღება რიგ უცხო ქვეყნებში, მათ შორის თურქეთში, ვიეტნამში, სომხეთში, ბელარუსში, უზბეკეთში, ყირგიზეთში, ტაჯიკეთსა და კვიპროსში“, - განაცხადა Sberbank-ის პრესსამსახურის ხელმძღვანელმა, პოლინა ტრიზონოვამ .
რუსული ბანკების მიერ გაცემული Visa და Mastercard ბარათები ქვეყანაში იმუშავებს მათი ვადის გასვლამდე, რის შემდეგაც გაიცემა Mir ბარათები
Moody's-მა რუსეთის გრძელვადიანი საგარეო და ეროვნული ვალუტის ვალის რეიტინგი B3-დან Ca-მდე შეამცირა, უარყოფითი პერსპექტივით.
