ჩინურმა აპლიკაცია TikTok-მა ახალი ტექსტური ფუნქცია გამოუშვა, რათა კონკურენცია გაუწიოს სხვა სოციალურ მედია პლატფორმებს, როგორიცაა Meta-ს Threads და ილონ მასკის X აპლიკაცია.
Independent-ის ცნობით, TikTok-ის ახალი ფუნქცია მისი მომხმარებლების „შესაძლებლობებს გააფართოვებს“, იტყობინება unian.net
„ტექსტი კონტენტის შექმნის ვარიანტების უახლესი დამატებაა, რომელიც შემქმნელებს საშუალებას აძლევს, TikTok-ზე გააზიარონ თავიანთი ისტორიები, ლექსები, რეცეპტები და სხვა წერილობითი კონტენტი, რაც შემქმნელებს თვითგამოხატვის კიდევ ერთ საშუალებას აძლევს და შექმნას აადვილებს“, - ნათქვამია პოსტში.
ნათქვამია, რომ ახალი ტექსტური ფუნქცია უფრო Instagram Stories-ის მსგავსი იქნება, ის ფერად ფონებს და პოსტებზე სტიკერების დამატების შესაძლებლობას შემოგთავაზებთ.
Threads-ისა და X-ისგან განსხვავებით, TikTok-ის ტექსტური შეტყობინებები ასევე მხარს დაუჭერს ფონურ ხმებს, ვიდეოსა და სურათების გაზიარების ფუნქციების მსგავსად.
შეტყობინებებს აქვს 1000 სიმბოლოიანი ლიმიტი — ნაკლები ფასიანი X მომხმარებლებისთვის შეთავაზებულ 10 000 სიმბოლოიან ლიმიტზე, მაგრამ მეტი Threads-ის 500 სიმბოლოიან ლიმიტზე.
